شعبہ تدریب

علاقۂ سیمانچل کے ہر چھوٹے بڑے اس بات کے معترف ہیں کہ ۲۰/ ویں صدی کے اخیر تک پورے علاقہ میں قرآن ِ کریم کو مجہول پڑھنے کا رواج عام تھا، تصحیح وتجوید کا کہیں نام ونشان تک نہیں تھا، حتی کہ نورانی قاعدہ بھی جو تصحیح قرآن میں بہت ہی ممد ومعاون اور سنگ بنیاد کی حیثیت رکھتا ہے، اس علاقہ میں نہیں ملتا تھا، ایسے وقت میں جامعہ کے احاطہ میں ۲۰۰۱؁ء میں آل بہار مسابقۃ القرآن الکریم کا انعقاد جامعہ اشاعت العلوم اکل کنواں کی طرف سے ہوا،جس میں خادم القرآن والمساجد حضرت مولانا غلام محمد وستانوی صاحب حفظہ اللہ تعالی بھی تشریف لائے اور پورے علاقہ سے خواص اور علماء کرام کے ساتھ عوام کی بھی ایک بڑی تعداد شریک ہوئی،تب یہاں کے عام لوگوں کو معلوم ہوسکا کہ قرآن کریم کس لب ولہجہ کے ساتھ پڑھا جانا چاہیئے اور قرآن کا حق کیا ہے؟اس موقع پرحضرت مولانا وستانوی صاحب کے اشارے سے اس شعبہ کی بنیاد پڑی،پھر تو الحمد للہ پورے سیمانچل کے بیشتر مدارس اسلامیہ کے ذمہ داران نے اپنے اساتذۂ کرام کو تدریب کے لئے جامعہ حسینیہ مدنی نگر بھیجنا شروع کیاجس سے الحمد للہ پورے سیمانچل میں تصحیح قرآن کی ایک لہر چل پڑی یہ سلسلہ الحمد للہ آج بھی قائم ہے۔ اور اس شعبہ سے سیکڑوں حفاظ نے استفادہ کیا ہے۔